التسجيل في امتحان FE عن طريق نقابة المهندسين المصرية (EES): خطوة بخطوة
لو أنت مهندس في مصر وعايز تدخل امتحان FE، فأسهل طريق غالبًا هو بورد نقابة المهندسين المصرية (EES). التسجيل معاها خطوة واحدة على موقع NCEES، والباقي انتظار.
الخطوة الأولى: التسجيل والدفع على NCEES
ادخل حسابك على MyNCEES. لو لسه ما عملتش حساب، اعمله الأول بنفس اسمك زي ما هو في الباسبور بالظبط.
من Exams اختار Register for an exam، وبعدين Fundamentals of Engineering.
اختار التخصص اللي هتمتحن فيه، ولازم يكون مطابق لتخصصك الدراسي: مدني يختار Civil، كهرباء يختار Electrical، وهكذا.
اختار البورد: Egyptian Engineers Syndicate (EES).
هيعرض عليك تشتري امتحان تجريبي من NCEES، وده اختياري.
في العنوان، اختار العنوان المسجل في البنك للكارت اللي هتدفع بيه. لو مختلف، ضيف عنوان جديد واختاره، عشان الدفع ما يترفضش.
ادفع بالكارت: 250 دولار لو هتمتحن برّه أمريكا.
بعد الدفع هتلاقي الامتحان ظاهر في الداشبورد وجنبه حالة Pending board approval، يعني مستني موافقة البورد. ودي بتيجي من الخطوة التانية.
الخطوة التانية: موافقة النقابة
ناس كتير بتفتكر إنها لازم تروح النقابة بنفسها. لأ، أنت مش مطلوب منك أي حاجة غير إنك تستنى. NCEES بتبعت بياناتك للنقابة، ويحصل واحد من اتنين:
النقابة تلاقي بياناتك عندها، فتوافق على طول، ويوصلك إيميل من NCEES إن الموافقة تمت.
النقابة تبعتلك إيميل تطلب صورة البطاقة وصورة كارنيه النقابة، فتردّ عليهم بيها.
الموافقة ممكن تيجي بعد يومين، وممكن تاخد لحد 15 يوم تقريبًا، وده طبيعي.
بعد الموافقة: احجز موعدك
لما البورد يوافق، الحالة هتتغير، وهيظهر جنب الامتحان زرار أخضر مكتوب عليه Schedule. اضغط عليه، هيوديك على Pearson VUE، اختار أقرب مركز ليك، وهيفتحلك كالندر فيه المواعيد المتاحة لمدة سنة قدام. اختار اليوم المناسب، وهيوصلك إيميل تأكيد فيه الميعاد والساعة.
خد بالك إنك لازم تمتحن خلال سنة من تاريخ الدفع. ويوم الامتحان مش محتاج تتواصل مع المركز ولا البورد: روح ومعاك إثبات الشخصية والآلة الحاسبة المسموح بيها من NCEES.
في مصر فيه أكتر من مركز Pearson VUE معتمد، زي مركز الجامعة الأمريكية في التجمع ومركز جامعة مصر للعلوم والتكنولوجيا في 6 أكتوبر. القائمة ممكن تتغير، فاتأكد منها وقت الحجز.
شرح الخطوات بالفيديو من قناة GEC Academy: التسجيل للامتحان عن طريق EES Board
ولو لسه بتقارن بين البوردات أو محتار في التخصص، اقرا خطوات التسجيل في امتحان FE من مصر أو الخليج وإزاي تختار تخصص FE.
استعد مع GEC
فريق GEC بيساعدك في خطوات التسجيل والحجز لحد ما تاخد موعدك، وكورسات FE المباشرة بتبدأ من الأساسيات مع 4 امتحانات محاكاة وضمان النجاح.
Comments