شروط وتكلفة امتحان CCQM: الخبرة المطلوبة، الرسوم، ومواعيد الامتحان
قبل ما تبدأ تذاكر لامتحان CCQM، لازم تتأكد إنك مستوفي الشروط، وتعرف هتدفع كام، وإمتى تقدر تمتحن. الشروط دي من ASQ نفسها، الجهة المانحة للشهادة.
الخبرة المطلوبة
ASQ بتطلب 8 سنين خبرة في مجال واحد أو أكتر من مجالات الـ Body of Knowledge. ما تقلقش من الرقم ده، لأن مؤهلك الدراسي بيخصم منه:
بكالوريوس: 4 سنين (المؤهل بيخصم 4)
ماجستير أو دكتوراه: 3 سنين (المؤهل بيخصم 5)
دبلوم فني: 7 سنين
Associate degree: 6 سنين
يعني أغلب المهندسين محتاجين 4 سنين خبرة بس. ومن الخبرة دي، لازم 3 سنين على الأقل تكون في وظيفة بتاخد فيها قرارات (Decision-making position). مش شرط يكون مسماك Quality Manager أو Construction Manager، المهم إن اتخاذ القرار يكون من ضمن مهامك.
هل محتاج شهادات خبرة؟
لأ. وقت التقديم بتملا بياناتك وترفع الـ CV بتاعك، وبتقر بالخبرة بنفسك. ASQ ما بتطلبش شهادات خبرة من الشركات.
رسوم الامتحان
الامتحان لأول مرة: 550 دولار.
الإعادة لو ما نجحتش: 350 دولار.
عضوية ASQ بتخصم 100 دولار من رسوم الامتحان، بس العضوية نفسها أغلى من 100 دولار. فلو هتمتحن امتحان واحد بس، الأوفر تمتحن من غير عضوية. العضوية بتفيدك لو ناوي تاخد أكتر من شهادة من ASQ.
شكل الامتحان
165 سؤال اختيار من متعدد، منهم 150 بيتحسبوا.
4 ساعات و18 دقيقة وقت إجابة، ضمن موعد مدته 4.5 ساعة.
Open book، والمراجع لازم تكون مجلدة (bound).
باللغة الإنجليزية بس.
على الكمبيوتر في مراكز Prometric، أو من البيت (Remote) بكاميرا ومايك في مكان مقفول وهادي.
مواعيد الامتحان
امتحان CCQM مش متاح طول السنة. ASQ بتعمله في فترات شهرية في الشهور الزوجية: فبراير وأبريل ويونيو وأغسطس وأكتوبر وديسمبر. في كل فترة بتختار اليوم اللي يناسبك جوه الشهر. والتسجيل بيقفل قبل بداية الفترة بحوالي 3 أسابيع، فاتأكد من آخر موعد على موقع ASQ قبل ما تخطط.
النتيجة والشهادة
النتيجة بتظهر على الشاشة أول ما تخلص الامتحان.
بعد 4 أو 5 أيام بتوصلك الشهادة الديجيتال، ومعاها Digital Badge تقدر تضيفه على LinkedIn وفي توقيع الإيميل.
الشهادة صالحة 3 سنين، وبتجددها بنقاط تطوير مهني بتجمعها خلال الفترة دي مع رسوم تجديد.
شرح الشهادة بالكامل في محاضرة مجانية على قناة GEC Academy: محاضرة CCQM
اقرا كمان: محتوى امتحان CCQM
استعد مع GEC
كورس CCQM في GEC فيه 10 محاضرات live على Zoom بتغطي الـ 8 domains، وكل محاضرة بتتسجل على حسابك في المنصة. ومعاك بنك أسئلة للتدريب، وسيميوليتر كامل بنفس شكل الامتحان، وضمان النجاح.
Comments