محتوى امتحان CCQM: الـ 8 domains وعدد أسئلة كل واحد

5 days ago

2 min read

امتحان CCQM (Certified Construction Quality Manager) من ASQ متقسم على 8 domains، ماشيين بنفس ترتيب مراحل مشروع الإنشاءات: من قبل التعاقد لحد التشغيل والصيانة، وفي الآخر مهارات مدير الجودة نفسه. فهم التقسيمة دي هو أول خطوة في خطة المذاكرة.

الـ 8 domains وعدد الأسئلة

Pre-contract Phase: 13
Planning Phase: 30
Design Phase: 20
Procurement: 15
Construction: 34
Project Turnover and Closeout: 11
Operations and Maintenance: 5
Quality Manager Skills: 22

المجموع 150 سؤال، ودول الأسئلة اللي بتتحسب في الدرجة. الامتحان فيه كمان 15 سؤال تجريبي ما بيتحسبوش، بس مش هتقدر تعرفهم، فتعامل مع الـ 165 سؤال على إنهم كلهم مهمين.

1. Pre-contract Phase

المرحلة اللي قبل ما المالك يتعاقد مع المصمم أو المقاول. هتذاكر فيها طرق تنفيذ المشروعات (Project Delivery Methods) زي Design-Bid-Build وDesign-Build والـ Integrated Delivery، وأنواع العقود وطرق الدفع، ومتطلبات العقد، وتقييم العطاءات والتأهيل المسبق. دور مدير الجودة هنا إنه يساعد المالك يختار الطريقة الأنسب للمشروع.

2. Planning Phase

أكبر domain بعد الـ Construction. بيغطي التخطيط الاستراتيجي للجودة وإزاي تدمج الجودة جوه كل خطط المشروع، ونظم إدارة الجودة ومعايير ISO زي ISO 9001 وISO 14001، وتخطيط الموارد وتحليل الفجوة (Gap Analysis)، وأنواع المراجعات (Audits): First Party وSecond Party وThird Party، وإمتى تستخدم كل نوع.

3. Design Phase

مدخلات التصميم، وإزاي العملية نفسها بتمشي، ومخرجاتها. دورك تتأكد إن متطلبات المالك متحققة في التصميم، من خلال مراجعات التصميم في مراحله المختلفة (زي 30% و60% و90%)، لحد ما مستندات التنفيذ تبقى جاهزة وصحيحة للمقاول.

4. Procurement

متطلبات الجودة في التوريد، وإدارة الموردين والمقاولين من الباطن، وإدارة المخاطر، وتقارير الجودة في المرحلة دي.

5. Construction

أكبر domain في الامتحان بـ 34 سؤال. بيغطي تنفيذ خطة الجودة في الموقع، وإدارة العمليات، والاختبارات الإتلافية وغير الإتلافية (Destructive and Nondestructive Tests)، وإدارة الامتثال للمخططات والمواصفات ومتطلبات العقد، ومتابعة أداء المقاول وتقارير الجودة. والامتحان بيفرّق بين مدير الجودة اللي شغال مع المقاول ومدير الجودة اللي شغال مع المالك، لأن اهتمامات كل واحد مختلفة.

6. Project Turnover and Closeout

تسليم المشروع، والتركيز فيه على إدارة المستندات: تقارير الفحص النهائي، والتصاريح النهائية، والضمانات، والـ Punch List.

7. Operations and Maintenance

أصغر domain بـ 5 أسئلة بس. بيتكلم عن استمرار متطلبات الجودة بعد التسليم، وخطط استمرارية العمل (Business Continuity)، وأدلة التشغيل والصيانة.

8. Quality Manager Skills

المهارات اللي محتاجها كمدير جودة: ميثاق أخلاقيات ASQ، وتحليل أصحاب المصلحة، وبناء الفريق، وإدارة التغيير، وتكلفة الجودة (Cost of Quality)، ورضا العميل، وأدوات إدارة الجودة.

إزاي تستفيد من التقسيمة دي في المذاكرة؟

ركّز وقتك على Construction وPlanning وQuality Manager Skills، لأنهم مع بعض 86 سؤال، يعني أكتر من نص الامتحان.
ذاكر الـ domains بترتيب المشروع، واربط كل واحد بمشروع اشتغلت فيه.
افتكر إن الشهادة إدارية أكتر منها فنية. الامتحان مش هيسألك تعمل الاختبار إزاي، لكن هيسألك تتصرف إزاي كمدير.

شرح الشهادة بالكامل في محاضرة مجانية على قناة GEC Academy: محاضرة CCQM

اقرا كمان: شهادة مدير جودة إنشاءات محترف (CCQM)

استعد مع GEC

كورس CCQM في GEC فيه 10 محاضرات live على Zoom بتغطي الـ 8 domains، وكل محاضرة بتتسجل على حسابك في المنصة. ومعاك بنك أسئلة للتدريب، وسيميوليتر كامل بنفس شكل الامتحان، وضمان النجاح.

اعرف تفاصيل كورس CCQM ←